149 №-li tam orta məktəb inşa müsabiqəsi elan edir

Şagirdlərin nəzərinə !

Məktəbimiz 26 fevral-Xocalı faciəsi ilə əlaqədar inşa müsabiqəsi elan edir. Müsabiqədə məktəbin VII, VIII, IX, X, XI sinif şagirdləri iştirak edə bilər. İnşalar  15 fevral tarixinədək direktor müavini Vəfa Alnağıyevaya təqdim edilməlidir.

Qaliblər 3 yer üzrə mükafatlandırılacaq:

I yer – DVD player 
II yer – MP3 SD player 
III yer – USB flash drive

Ödənişli əsaslarla qəbul olan tələbə sayına qoyulan məhdudiyyətlər ləğv olunacaq və təhsil haqqı əvvəlki kimi qalacaq

Yaxın illər ərzində ölkədə ödənişli əsaslarla qəbul olan tələbə sayına məhdudiyyətlər ləğv olunacaq.

Axar.az xəbər verir ki, ali təhsil müəssisələrinin Boloniya sisteminə keçidilə əlaqədar bu sistemin yaxın vaxtlarda tətbiq edilməsi gözləniləndir.

Belə ki, Qərb universitetlərində olduğu kimi, abituriyentlər orta məktəbi bitirdikdən sonra ali təhsil ocaqlarına sənədlərini təqdim edərək təhsilini davam etdirə biləcək.
Burada əsas məqam təhsil haqqının keyfiyyətə uyğun olaraq qaldırılması və xarici ölkələrlə tələbə mübadiləsidir.
Artıq Təhsil Nazirliyi ölkədə ali və orta ixtisas təhsili müəssisələri üçün ödənişli əsaslarla qəbul olan tələbə sayına məhdudiyyətlərin ləğv olunacağını açıqlayıb.

Xəzər rayon məktəbləri arasında keçirilən XXVII spartakiada

Xəzər rayon məktəbliləri arasında keçirilən XXVII spartakiadanınHəndbol (oğlanlar) növü üzrə növbəti yarış baş tutmuşdur. 

Yarışda Xəzər rayon E.Şəmiyev adına 149 №-li tam orta məktəbin komandası 2-cü yerin qalibi oldu.
Məktəbin komandası:

                                 Müəllim:  Rzayev Eldar

Şagirdlər:  Məmmədov  Bilal 
Nəcəfov Nicat
Mirzəyev Cəmil 
Abdullayev Qəzənfər

                Seyidov Zaur

Abdullayev Elnur

Məmmədov Cəfər

 Larkin Vladimir

Hacıyev Orxan

Kərimov Orxan 

Kərimov İbrahim

Rzayev Sərxan

Fətullayev Hikimet

Nağıyev Qoşqar

Zalov Elvin 

Yeremeyev Aleksandır 

Məmmədov Məhəmməd

İntellektual Klubun növbəti yarışması keçirildi

Bu gün məktəbin 5k, 5m və 5q sinifləri arasında İntellektual Klubun növbəti yarışması keçirildi. Yarışmada şagirdlər çox fəal iştirak etdilər. Verilən sualların əksəriyyətini cavablandıran siniflərdən az fərqlə 5k sinfi qalib gəldi və finala vəsiqə qazandı. Finalda yarışacaq siniflər artıq bəllidir. 

5ç, 5ə və 5k siniflərinə final yarışmasında uğurlar!

Sədr:         Ləman Hacıyeva, 

Müavin :   Nəriman Məmmədzadə, 

Katib:        Ayişəgül Ələkbərova

Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

20 YANVAR

Qanlı Yanvar faciəsindən 25 il ötdü

1

1990-cı il yanvarın 20-də Azərbaycanın ərazi bütövlüyünü pozmaq cəhdlərinə, keçmiş SSRİ rəhbərliyinin Azərbaycanla bağlı apardığı qərəzli siyasətə, yerli rəhbərliyin xalqımızın mənafeyinə zidd mövqedə durmasına qarşı etiraz əlaməti olaraq küçələrə çıxmış dinc əhaliyə divan tutmaq məqsədilə Bakıya və respublikanın digər rayonlarına sovet hərbi hissələri yeridildi. Dinc əhalinin kütləvi etiraz aksiyalarının ağır hərbi texnikanın köməyi ilə vəhşicəsinə dağıdılması təkcə süquta uğramaqda olan sovet siyasi sisteminin qorunması cəhdi kimi deyil, həm də azərbaycanlıların tarixi torpaqlarından sıxışdırılıb çıxarılması ilə bağlı Çar Rusiyasının əsrlərlə apardığı mənfur siyasətin yeni şəraitdə davamı idi.

E.Şəmiyev adına 149 №-li tam orta məktəbdə 20 yanvar faciəsinin 25-ci ildönümü qeyd edildi

Bu gün məktəbimizdə 20 yanvar faciəsinin 25-ci ildönümünə həsr olunmuş tədbir keçirildi. Tədbirin əvvəlində Tarix müəllimi İmanxan Zahidov 20 Yanvar faciəsi ilə bağlı tədbir iştirakçılarını məlumatlandırdı. Daha sonra şagirdlər şeir, səhəcik və əsgər mahnısı ilə çıxış etdilər. Sonda məktəbin direktoru Rəhilə xanım Baxşıyeva çıxış edərək şagirdləri, qanlı olduğu qədər də şanlı olan tariximizi unutmamağa və unutdurmamağa çağırdı.

                                                          

                                                

149 №-li tam orta məktəbdə 20 yanvar faciəsinin 

25-ci ildönümü qeyd edildi ( 1-ci hissə)

149 №-li tam orta məktəbdə 20 yanvar faciəsinin 

25-ci ildönümü qeyd edildi ( 2-ci hissə)

149 №-li məktəbin şagirdlərinin Fəxri Xiyabanı və Şəhidlər Xiyabanını ziyarəti

18 Yanvar 2015-ci il tarixdə məktəbimizin 6a, 6b, 6c və 6i siniflərinin Fəxri Xiyabana və Şəhidlər Xiyabanına ziyarəti təşkil olunmuşdur. Şagirdlər müəllimlərin bələdçiliyi ilə 20 Yanvar tarixi ilə bağlı yeni biliklər əldə etmiş, şəhidlərin məzarını ziyarət edib qərənfillər qoymuş, bu faciə ilə bağlı əzbərlədikləri və öz yazdıqları şeirləri söyləmişlər.

Allah şəhidlərimizə rəhmət eləsin!

Diaqnostik qiymətləndirilməsi aparılan müəllimlərin maaşı artırıldı

Prezidentin “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin dərs yükünün və əməkhaqqının artırılması haqqında” sərəncamı bunun bariz nümunəsidir”. Bunu mekteb149.blogspot.com-a açıqlamasında Təhsil Nazirliyinin İnformasiya şöbəsinin müdir müavini, QHT və KIV-lə iş sektorunun müdiri Cəsarət Valehov bildirib. Onun sözlərinə görə, sərəncam müəllimlərin dərs yükü normasının 12 saatdan 18 saata artırılmasını nəzərdə tutaraq müəllimlərin əməkhaqlarının artırılmasına səbəb olacaq. Bu, həm də Azərbaycan Respublikasında “Təhsilin İnkişafı üzrə Dövlət Strategiyası”nda qeyd olunan müddəaya uyğun olaraq həyata keçirilir.

Azərbaycanda buraxılış və qəbul imtahanları ilə bağlı yeniliklər AÇIQLANDI

Tələbə Qəbulu üzrə Dövlət Komissiyası (TQDK) bu il keçiriləcək buraxılış və qəbul imtahanları ilə bağlı yenilikləri açıqlayıb
Ümumtəhsil müəssisələrinin 11-ci sinfində təhsil alan şagirdlərin biliyinin yekun qiymətləndirilməsi (buraxılış) imtahanında müəyyən dəyişiklik edilmişdir. 

Belə ki, 2015-ci ildən buraxılış imtahanında XI sinif şagirdlərinin biliyi 2 deyil 3 fəndən yoxlanılacaqdır. Bütün şagirdlər ana dili, riyaziyyat və xarici dil fənlərindən imtahan verəcəklər. Xarici dil fənninin tədris olunmadığı məktəblərin məzunları isə kimya fənnindən imtahan verəcəklər. Hər fənn üzrə şagirdlərə 30 test tapşırığı təqdim olunacaqdır. 



Qəbul imtahanları üzrə: 

1) Ali və tam orta təhsil bazasında (11illik) orta ixtisas təhsili müəssisələrinə qəbul qaydalarında müəyyən dəyişikliklər edilmişdir. 

Belə ki, 2015-ci ildən etibarən 11-ci sinfi bitirən məzunların ali təhsil müəssisələrinin III və IV ixtisas qruplarının xüsusi qabiliyyət tələb edən ixtisaslarına və tam orta təhsil bazasında (11 illik) orta ixtisas təhsili müəssisələrinə (kolleclərə) qəbulu buraxılış imtahanlarının nəticələrinə əsasən aparılacaqdır. 

Bu haqda daha ətraflı məlumat "Abituriyent" jurnalının 2015-ci il 1-ci sayında təqdim olunacaq. 

149 №-li tam orta məktəbin şagirdləri qocalar evində

                                                   

149 №-li tam orta məktəbin müəllimi Afiqə Hacıyeva Sabunçu rayonu Bilgəh qəsəbəsi Müharibə və əmək əlilləri üçün ponsionata  şagirdlərin ziyarətini təşkil etmişdir. Görüşdə gənc müğənnilər də iştirak etmiş, öz mahnıları ilə yaşlılara xoş saatlar yaşatmışdır.

                                                                                            

                                                                                                                                                         

                                                       

Xəzər rayon məktəbləri arasında keçirilən XXVII spartakiada

Xəzər rayon məktəbliləri arasında keçirilən XXVII spartakiadanın Basketbol (oğlanlar) növü üzrə növbəti yarış baş tutmuşdur. 

Yarışda Xəzər rayon E.Şəmiyev adına 149 №-li tam orta məktəbin komandası 3-cü yerin qalibi oldu.
Məktəbin komandası:

Müəllim:     Hümbətov Muğani

Şagirdlər: Seyidov Zaur

                  Rəsulov Rəsul

                 Larkin Vladimir

                 Abdullayeva Elnur

                                                                                                                                                            Axundov Adil

                                                                                                     Kərimov İbrahim

                                                                                                     Eyvazov Rəşad

                                                                                                     Qarayev kenan

                                                                                                     Vəlişov Nurlan

                                                                                                     Əliyev Tələt

                                                                                                     Zeynalı Sərxan

                                                                                                     Əlizadə Hikimət

                                                                                                  

Uğur sorağında Intellektual klulubunun 5-ci siniflər arsındakı yarışmasının növbəti mərhələsi keçirildi

Uğur sorağında Intellektual klulubun 5-ci siniflər arsındakı yarışmasının növbəti mərhələsi keçirildi. 5d, 5e, 5ə və 5i sinifləri arasında keçirilən bu mərhələdə şagirdlər öz bacarıqlarını və bilik səviyyələrini göstərdilər. Nəticədə 5ə sinfi bu mərhələnin qalibi olaraq finala vəsiqə qazandı. Finalda 5ə, 5ç  və yanvarın 19-da keçiriləcək mərhələnin qalibi olan sinif görüşəcək. Bütün siniflərə uğurlar arzulayırıq!



Sədr:         Ləman Hacıyeva,
Müavin :   Nəriman Məmmədzadə,
Katib:        Ayişəgül Ələkbərova
Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

Təhsil naziri Mikayıl Cabbarov “20 yanvar faciəsinin iyirmi beşinci ildönümünün qeyd edilməsi barədə” əmr imzalayıb

Əmrə əsasən, 20 yanvar faciəsinin iyirmi beşinci ildönümünün keçirilməsi ilə əlaqədar Təhsil Nazirliyinin tədbirlər planı təsdiq olunub. Tədbirlər planına müvafiq olaraq, 6-20 yanvar tarixlərində ali, ilk peşə və orta ixtisas təhsili, ümumtəhsil, internat məktəbləri və məktəbdənkənar təhsil müəssisələrində Azərbaycanın azadlığı uğrunda mübarizədə həlak olmuş şəhidlərin xatirəsinə həsr olunmuş geniş tədbirlərin həyata keçirilməsi nəzərdə tutulub.

20 yanvar faciəsinin iyirmi beşinci ildönümünün təhsil müəssisələrində qeyd edilməsi məqsədi ilə “Azərbaycan Respublikası Təhsil Nazirliyi haqqında Əsasnamə”nin 13.5-ci bəndini rəhbər tutaraq

 

ƏMR EDİRƏM:

 

1. 20 yanvar faciəsinin iyirmi beşinci ildönümünün keçirilməsi ilə əlaqədar Təhsil Nazirliyinin tədbirlər planı təsdiq edilsin (əlavə olunur).

2. Tədbirlər planına müvafiq olaraq ali, ilk peşə və orta ixtisas təhsili, ümumtəhsil, internat məktəbləri və məktəbdənkənar təhsil müəssisələrində 06 - 20 yanvar tarixlərində Azərbaycanın azadlığı uğrunda mübarizədə həlak olmuş şəhidlərin xatirəsinə həsr olunmuş geniş tədbirlər həyata keçirilsin.

3. İnformasiya şöbəsi (E.Əliyev) əmrin “Azərbaycan müəllimi” qəzetində dərc olunmasını və Nazirliyin internet səhifəsində yerləşdirilməsini təmin etsin.

4. Əmrin icrasına nəzarət nazir müavini F.Qurbanova həvalə olunsun.

Əsas: Azərbaycan Respublikası Prezidentinin Administrasiyası Rəhbərinin 17 dekabr 2014-cü il tarixli, 134 nömrəli Sərəncamı. 

 

Mikayıl CABBAROV,

Azərbaycan Respublikasının təhsil naziri

6 yanvar 2015-ci il

№08

---

 

 

20 yanvar faciəsinin iyirmi beşinci ildönümünün keçirillməsi

ilə əlaqədar Təhsil Nazirliyinin tədbirlər planı

   

s/s	Tədbirlər	İcra vaxtı	İcraya məsul
1	Ali, ilk peşə və orta ixtisas təhsili, ümumtəhsil, internat məktəbləri və məktəbdənkənar təhsil müəssisələrində 20 yanvar hadisələrinin mahiyyətini əks etdirən toplantı, konfrans və mühazirələrin keçirilməsi, xüsusi qəzetlər, bülletenlər, stendlər, guşələr yaratmaq, vətənpərvərlik mövzusunda bədii qiraət gecələri, şagirdlər və tələbələrlə görüşlər təşkil etmək	06-16 yanvar 2015-ci il	Təhsili müəssisələrinin rəhbərləri, Gültəkin Hüseynova, Samir Vəliyev, Aydın Əhmədov, Vasif Məmmədov Məlahət Hacıyeva
2	Ali, ilk peşə və orta ixtisas təhsili, ümumtəhsil və internat məktəbləri, məktəbdənkənar təhsil müəssisələrində 20 Yanvar faciəsinə həsr edilmiş xüsusi dərsin aparılması	16 yanvar 2015-ci il	Təhsili müəssisələrinin rəhbərləri, Gültəkin Hüseynova, Samir Vəliyev, Aydın Əhmədov, Vasif Məmmədov Məlahət Hacıyeva
3	Bakı şəhərində və respublikanın bölgələrində şəhidlərin xatirəsinə ucaldılmış abidələrə, şəhidlər xiyabanlarına şagird və tələbələrin ziyarətini təşkil etmək	19-20 yanvar 2015-ci il	Rayon (şəhər) təhsil şöbələrinin (idarələrinin),  təhsil müəssisələrinin rəhbərləri
4	Təhsil müəssisələrinin internet saytında 20 Yanvar faciəsini əks etdirən materiallar yerləşdirmək	06-20 yanvar 2015-ci il	Təhsil müəssisələrinin rəhbərləri

05.01.2015 tarixli pedaqoji şura iclası

Bu gün Pedaqoji Şuranın növbəti iclası keçirildi. Məktəb direktoru Rəhilə xanım I yarımilin yekunlarından, yeni tədris ilində qarşıda duran vəzifələrdən danışdı. İclasda  jurnalların, məktəbli kitabçalarının və yoxlama dəftərlərinin aparılması, Məktəb Şurasının yaradılması və üzvlərin seçilməsi, Məktəbin blogu, məktəb müəllimlərinin facebookdakı qrupu (Müəllim Birliyi), İntellektual klubun fəaliyyəti, müəllim-şagird münasibətləri  və s. məsələlər müzakirə olundu.

 Direktor müavini Vələddin Nurəddinov Məktəb Şurası barədə məlumat verdi, üzvlər səsvermə yolu ilə seçildi. Məktəbli kitabçalarının aparılması vəziyyəti barədə direktor müavini Vəfa Əlnağıyeva danışdı. 

Tarix müəllimi Elvin Hacıyevin "Xəmsə"yə, Cavid Muradovun məktəb olimpiadasına uşaqları hazırlaması, Cəmilə Məmmədova, Pərvin Pirmuradova, Cavid Muradov, Nəriman Məmmədzadə və Ləman Hacıyevanın İntellektual Klubun yaradılmasında, Fərqanə Əliyevanın yoxlama dəftərlərinin aparılmasında göstərdikləri fəallıq qeyd olundu. İclasın sonunda fəal müəllimlərə təşəkkürlər elan edildi.