Elan

HÖRMƏTLİ HƏMKARLAR ! 
Sizi 27 iyun 2015-ci il tarixində saat 10.00-da 230 №-li tam orta məktəbdə 
MƏKTƏB İDARƏETMƏSİNDƏ SƏNƏDLƏŞMƏ mövzusunda praktik seminara dəvət edirik.
Seminarda Bakı Şəhəri üzrə Təhsil İdarəsinin Ümumi Şöbənin sektor müdiri Sevinc Əliyeva " Məktəblərdə kargüzarlıq işinin aparılması " ,
Bakı Şəhəri üzrə Təhsil İdarəsinin aparıcı məsləhətçisi Xəyyam Fərəcov " Kadrlarla bağlı sənədləşmələrin düzgün aparılması qaydaları ",
AMİ -nin əməkdaşı pedaqoqika üzrə fəlsəfə doktoru Sirac Rəsulov " Strateji və perespektiv planların hazırlanması yolları " , 

Məktəbimizin müəllim kollektivi 1-ci AVROPA OYUNLARI-nda

Pedaqoji Şuranın növbəti iclası keçirildi.

Bu gün Pedaqoji Şuranın növbəti iclası keçirildi. İclası məktəbin direktoru Rəhilə xanım Baxşıyeva açaraq tədris ili ərzində məktəbimizin əldə etdiyi uğurlardan və qarşılaşdığı çətinliklərdən danışdı. Məktəbimizin yeni tədris ilində pilot məktəblər sırasına qoşulması münasibətilə kollektivi təbrik edən Rəhilə xanım  hər bir işçinin üzərinə böyük məsuliyyət düşdüyünü bildirdi və hamını daha əzmli olmağa səslədi.

Daha sonra kitabxana müdiri Günel xanım çıxış edərək kitabların vəziyyətindən danışdı. Direktor müavini Eldəniz Əkbərov öz çıxışında yeni dərs ilində tətbiq olunacaq qaydalar barədə məlumat verdi. 

Sonda isə müəllimlərin sualları cavablandırıldı.

Bakı 2015 Avropa Oyunlarının Açılış Mərasimini buradan canlı izləyə bilərsiniz.

Müəllimlərin stolüstü kitabı

Son zamanlar təhsilimizdə sürətlə yeniliklər baş verir. Təhsilin inkişafı üçün müasir müəllim bütün yeniliklərdən xəbərdar olmalı, zamanın tələbləri ilə ayaqlaşmalıdır. Buna görə də müxtəlif təlimlərə cəlb olunan müəllimlər vəsait azlığına görə çətinlik çəkirlər.

Bu yaxınlarda Bakı şəhəri Xəzər rayonu 230 №-li məktəbin direktoru Elşən Qafarovun və məktəbin təlim-tərbiyə işləri üzrə direktor müavini Ləman Babayevanın birgə tərtib etdikləri “Həmkara dəstək” kitabı ilə tanış oldum. Oxuduqdan sonra həqiqətən də adına uyğun olduğunu gördüm. Müəllimlər üçün nəzərdə tutulmuş metodiki vəsait yeni təhsil proqramının (kurikulumun) nəzəri əsaslarını, sınaq qiymətləndirilməsi ilə bağlı 750 testi və cavablarını, 106 sözdən ibarət terminlər lüğətini özündə birləşdirir.

Bu vəsaitin  müəllimlər üçün stolüstü kitab olacağına əminəm. Çünki konkret olaraq müəllimlərə lazım olan məlumatlar ümumiləşdirilmiş, yığcam şəkildə əks olunur. Dərsin təşkilində istənilən sual yarandığı zaman vəsait müəllimlərin köməyinə çatır. Əvvəllər müəllim ona lazım olan  məlumatı tapmaq üçün çoxsəhifəlik nəzəri materialları oxumalı və nəticə çıxarmalı olurdusa, indi istədi informasiyanı bu kitabdan  hazır şəkildə əldə edə bilər. Burada  dərsin təşkilinin üsül və metodları sadə, anlaşıqlı şəkildə əks olunur.

Bu vəsaitdən istifadə etməklə müəllimlərimiz təlimə getmədən kurikulum nəzəriyyəsini öyrənə, sınaq qiymətləndirilməsinə, işə qəbul imtahanına özü müstəqil şəkildə hazırlaşa bilər. Bir sözlə, kitab hər bir müəllimə lazım olan metodik vəsaitdir.  

Beynəlxalq Uşaqlar gününüz mübarək!

Uşaqlarımızın müdafiəsi cəmiyyətimizin xoşbəxt gələcəyinin təminatıdır.  1 İyun - Beynəlxalq Uşaqların Müdafiəsi günü münasibətilə məktəb müdiriyyəti və kollektivi adından məktəbimizdə təhsil alan bütün uşaqları təbrik edirik!