31 MART - AZƏRBAYCANLILARIN SOYQIRIMI GÜNÜ

1998-ci ildən 31 mart Azərbaycan Respublikasında dövlət səviyyəsində Azərbaycanlıların soyqırımı günü kimi qeyd edilir. Bu soyqırım Azərbaycan xalqı və dövlətçiliyinin tarixində baş vermiş faciəli hadisələrə milli yaddaşın təzahürüdür. Azərbaycanlıların kütləvi surətdə qırğını, repressiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir.

XIX əsrin əvvəllərindən başlayaraq Qafqazda kütləvi şəkildə məskunlaşdırılan ermənilər az müddət sonra bölgəni sözün əsil mənasında “qan çanağı”na çevirdilər. Ermənilərin “Böyük Ermənistan” yaratmaq kimi qondarma ideyanın gerçəkləşməsi yolunda atdıqları addımlar azərbaycanlılara qarşı kütləvi qətillərin və soyqırım aktlarının reallaşması ilə nəticələndi. Bu qanlı tarix qısa fasilələrlə bütün 20-ci əsr boyu dönə-dönə təkrarlandı. İndi o qanlı tarixdən 97 il ötür.

NOVRUZ BAYRAMINIZ MÜBARƏK!

Əziz və hörmətli məktəb kollektivi!

 Sizləri Novruz bayramı münasibətilə təbrik edirik! Yazın gəlişi hər birinizə düşərli olsun. Müəllimlərimizə işlərində yeni-yeni müvəffəqiyyətlər, şagirdlərimizə dərslərində uğurlar arzulayırıq. 

MÜƏLLİMLƏRİN NƏZƏRİNƏ!

“HƏYAT BİLGİSİ VƏ MALİYYƏ SAVADLILIĞI” MÜSABİQƏSİNİN QAYDALARI I. Ümumi müddəalar Müsabiqənin gedişi ilə bağlı məlumatlar Təhsil Nazirliyinin (www.edu.gov.az), Azərbaycan Respublikası Mərkəzi Bankının (www.cbar.az) və müsabiqənin (www.musabiqe.edu.az) rəsmi internet səhifələrində yerləşdirilir. II. Müsabiqənin məqsədi Müsabiqənin əsas məqsədləri aşağıdakılardır: Ümumtəhsil məktəb müəllimləri arasında Həyat Bilgisi fənninin “Fərd və cəmiyyət” məzmun xəttinin “Cəmiyyətin sosial-iqtisadi həyatı” alt-xətti üzrə elektron təhsil resursları hazırlamaq; Elektron təhsil resurslarının tədris prosesinə tətbiqinə metodiki dəstək vermək, elektron resursların təhsil müəssisələrində istifadəsi ilə tanışlıq; Tədris prosesində informasiya texnologiyalarından fəal istifadə edən müəllimlərin həvəsləndirilməsi və fəaliyyətlərinin dəstəklənməsi; Tədris məqsədləri üçün İnternetdən istifadənin yeni formalarının axtarılması; Hazırlanacaq resursların təhsil şəbəkələrində paylaşılaraq müəllimlər arasında yayılmasını təmin etmək.

ŞAGİRDLƏRİN NƏZƏRİNƏ!

“BU GÜNÜN QƏNAƏTİ SABAHIN TƏMİNATIDIR” MÜSABİQƏSİNİN QAYDALARI

“BU GÜNÜN QƏNAƏTİ SABAHIN TƏMİNATIDIR” MÜSABİQƏSİNİN QAYDALARI I. Ümumi müddəalar Müsabiqənin gedişi ilə bağlı məlumatlar Təhsil Nazirliyinin (www.edu.gov.az), Azərbaycan Respublikası Mərkəzi Bankının (www.cbar.az) və müsabiqənin (www.musabiqe.edu.az) rəsmi internet səhifələrində yerləşdirilir. II. Müsabiqənin məqsədi Müsabiqənin əsas məqsədləri aşağıdakılardır: Şagirdlərin pul yığımı və qənaətcilliklə bağlı şəxsi təcrübələrini əks etdirən qısametrajlı film hazırlamaq; Maliyyə savadlılığının artırılması istiqamətində ümumtəhsil məktəblərində şagirdlər arasında maarifləndirmə işləri aparmaq; Hazırlanacaq qısametrajlı filmlərin sosial şəbəkələrdə paylaşılaraq şagirdlər arasında yayılmasını təmin etmək.

Məktəbimiz "Novruz"u belə qarşıladı

Xalqımızın milli bayramı olan Novruz məktəbimizdə də qeyd edilmişdir. Novruz tədbirində məktəb müdiriyyəti, müəllim və şagird kollektivi iştirak etmişdir. Tədbir direktor müavini Vəfa Alnağıyeva və məktəbin Şagird Məclisinin Asudə vaxtın təşkili komissiyasının üzvlərinin rəhbərliyi ilə təşkil edilmişdir. Novruz milli adət-ənənələrinə uyğun səhnəciklər göstərən, musiqilər oxuyan və rəqlərlə çıxış edən şagirdlərimiz  tədbirə rəng qatmışdır. Maraqlı tədbirə görə bütün iştirakçılara təşəkkürlər!

Ən bilikli III və IV siniflər məlum oldu

Bu gün "Elm dünyam" layihəsi bilik III və IV siniflərdə final mərhələsini həyata keçirilmişdir. III siniflər arasında keçirilən yarışmada 3p sinfi I, 3j sinfi II, 3n sinfi III yeri, IV siniflər arasında isə 4ə sinfi I, 4j sinfi II, 4e sinfi III yeri tutmuşdur. Qaliblər diplomlar və hədiyyələrlə təltif olunmuşdur. 
Yarış rəhbərləri Gülgəz Hüseynəliyeva və Afiqə Hacıyeva çıxışlarında "-Haqqı olana haqqını verdiyimiz üçün çox şad idik" dedilər.

7ç və 7e siniflərinin mübarizəsi

 

Bu gün "Uğur sorağında" İntellektual Klubunda VII siniflərin final yarışması keçirildi. Gərgin bilik mübarizəsində 7ç sinfi 4 xal fərqi ilə qalib gəldi. İştirakçılar müxtəlif dərəcəli diplom və hədiyyələrlə təltif oludu. Şagirdlərimizi təbrik edir və uğurlarının davamını diləyirik!

Sədr:         Ləman Hacıyeva, 

Müavin :   Nəriman Məmmədzadə, 

Katib:        Ayişəgül Ələkbərova

Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

Məktəbimizdə "Novruz" ab-havası

Valideynlər üçün təlimlər davam edir

Məktəbimizin müəllimlərindən təşkil olunmuş İşçi qrupun "Valideynlərin kurikulum sahəsində maarifləndirilməsi" üçün keçirdikləri təlimlər davam edir. Bugünkü təlimlər də uğurla keçirilmişdir. Valideynlərə kurikulumla bağlı ümumi məlumatlar verilmiş, suallar cavablandırılmışdır. Sonda irad və təkliflər dinlənilmiş və qeydə alınmışdır.

2L sinfi "Novruz"u belə qarşıladı

 Bu gün məktəbimizin 2L sinfində "Novruz gəlir..." adlı tədbir keçirildi. Açılışı sinif rəhbəri Gülmira müəllimə etdi. Məktəbin direktoru Rəhilə müəllimin çıxışından sonra söz balaca fidanlara verildi. Əlvan rəqsləri, mahnıları, səhnəcikləri ilə bayrama rəng qatdılar körpə fidanlar. Tədbirə tədris hissə müdirləri, metodbirləşmənin sədri və digər müəllimlər təşrif buyurmuşdular.

XI siniflər "Uğur sorağı"na çıxdı

Bu gün "Uğur sorağında" İntellektual Klubunda XI siniflərin yarışması keçirilmişdir. Yarışmada 11a, 11b, 11c və 11ç  sinifləri iştirak etmişdir. 11-cilərimiz yüksək bilik nümayiş etdirmiş və nəticədə 11a I-ci yer, 11c II yer, 11ç III yer, 11b IV yerin qalibi olmuşdur. Qalib sinfləri təbrik edir və şagirdlərimizin hər birinə gələcək fəaliyyətlərində uğurlar diləyirik!

Sədr:         Ləman Hacıyeva, 

Müavin :   Nəriman Məmmədzadə, 

Katib:        Ayişəgül Ələkbərova

Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

"Xocalı soyqırımı" barədə inşa müsabiqəsinin nəticələri

"Xocalı soyqırımı" barədə elan olunmuş inşa müsabiqəsinin nəticələri məlum oldu. Nəticəyə görə 

7c sinif şagirdi Rövşənova Lalə, 

7a sinif şagirdi Bəhramova Aytac 

9b sinif şagirdi Camalov Toğrul 

yazdıqları inşalara görə təşəkkürnamə ilə təltif olunurlar. Qalibləri təbrik edirik!

Şagird Məclisi bu dəfə özündən danışdı

Bu gün Şagird Məclisinin növbəti toplantısı keçirildi. Məclisin fevral ayı ərzində olan fəaliyyəti, nailiyyətləri və qarşılaşdıqları çətinliklər əsas gündəlik məsələlər sırasında yer alırdı. Komissiyalar gördükləri işlər barədə məruzə etdikdən sonra təlim-tərbiyə işləri üzrə direktor müavini Vələddin müəllim şagirdlərin işlərinə münasibət bildirdi və onlara növbəti fəaliyyətləri sahəsində məsləhətlər verdi. Məktəbimizin direktoru Rəhilə xanım Baxşiyeva şagirdlərə öz vəzifələrinin öhdəsindən nə cür gələcəkləri barədə söhbət etdi. Toplantı mart ayında  qarşıda duran vəzifələr, görüləcək işlərin planlaşdırılması ilə yekunlaşdı. 

ELAN

 Müəllim və şagirdlərin nəzərinə! 

 Yaz tətili günləri 17mart-28mart tarixləri arasıdır. 29 mart (bazar günü) 27 mart (cümə günü) tarixinin dərsləri keçiriləcəkdir.

16 mart dərs günüdür, bütün şagirdlərin dərsdə iştirakı vacibdir.

______________________________________________________

Müəllimlərin nəzərinə!

18 mart 2015-ci il tarixində saat 11:00 da Pedaqoji şura

iclası keçiriləcəkdir.

Bütün müəllimlərin iştirakı vacibdir.

Məktəblilərin yaz tətili günləri açıqlandı - VİDEO

Təhsil Nazirliyi orta məktəblərin yaz tətili günlərinin müddətini açıqlayıb. Nazirlikdən lent.az-ın sorğusuna verilən cavaba görə, bu il orta məktəblərdə yaz tətili martın 17-dən başlayacaq. Orta məktəb şagirdlərinin tətil müddəti martın 24-dək müəyyən edilib.

Qeyd edək ki, Nazirlər Kabinetinin verdiyi qərara əsasən, bu il martın 20-dən 28-nə (martın 28-i daxil olmaqla) qədər Azərbaycanda Novruz bayramı ilə əlaqədar qeyri-iş günləri olacaq.

Növbəti uğurlarımız

Məktəbimizin direktoru Rəhilə xanım Baxşiyeva "Təhsilin inkişafında səmərəli fəaliyyətinə və rayonun ictimai-siyasi həyatında fəal iştirakına görə" Xəzər Rayon İcra Hakimiyyəti və "Qadınlar Şurasında və Xəzər rayonunun ictimai-siyasi həyatında göstərdiyi xidmətlərə görə" Yeni Azərbaycan Partiyası Xəzər Rayon Təşkilatı tərəfindən fəxri fərmanla təltif olunmuşdur. 

Məktəb kollektivi adından Rəhilə xanımı təbrik edir və uğurlarının davamını diləyirik!

4-cü siniflərin Elm dünyası

149 - BİZİM MƏKTƏB daim əmin addımlarla irəliləyir. Qeyri - iş günü olmasına baxmayaraq, müdiriyyətin iştirakı və kollektivin səyi nəticəsində "Elm dünyam" bilik yarışının 4-cü siniflərarası I və II mərhələsinin keçirilməsi baş tutmuşdur. Rəhbər - Gülgəz müəllim, Afiqə müəllim, üzvlər - Naibə müəllim, Zülfiyyə müəllim, Kəmalə müəllim, Firuzə müəllim, Leyla müəllim.

8 Mart - Beynəlxalq Qadınlar Bayramı divar qəzetlərində belə əks olundu

Valideynlər üçün təşkil olunan təlim kursları davam edir.

Valideynlərin kurikulum sahəsində maarifləndirilməsi üçün növbəti təlim kursları keçirilib. Bu dəfə təlimlər 3-cü siniflərin valideynləri arasında təşkil olunub. Təlim zamanı əvvəlcə Kurikulum barədə ümumi, məktəbdaxili qiymətləndirmələr barədə əhatəli məlumat verilib. Müəllim-şagird, müəllim-valideyn, valideyn-şagird münasibətleri haqqında söhbətlər aparılıb. Məktəbli avtobusları ve şagirdləri məktəbə gətirən taksilərin müsbət və mənfi cəhətləri barədə də fikirlər səslənib. Sonda irad ve təkliflər qeyd olunub. Qeyd edək ki, bütün qeydlər Məktəb Şurasına təqdim ediləcək.
Təlimlər işci qrupu tərəfindən təşkil olunur. İşçi qrupuna Gülgəz Hüseynəliyeva başçılıq edir. İşçi qrupun heyətinə isə Aytəkin Ələkbərova, Kəmalə Mansurova, Nərgiz Məlikova, Səkinə Heydərova, Vüsalə Rəsulova və Gülnar müəllimə daxildir.

8 Mart Beynəlxalq Qadınlar Gününüz mübarək!

Əziz və hörmətli xanımlar, 149 №-li tam orta məktəbin rəhbərliyi sizi 8 Mart Beynəlxalq Qadınlar Günü münasibəti ilə təbrik edir, sizlərə sevinc dolu həyat arzulayır!

Xəzər rayon "İstedad 2015" müasbiqəsinin II mərhələsi keçirildi

 

Xəzər rayon "İstedad 2015" müasbiqəsinin II mərhələsi keçirildi. Müasbiqədə məktəbimizin şagirdləri iştirak etmişdir. Məktəbin direktoru Rəhilə xanım Baxşıyeva şagirdlərimizə dəstək üçün daim yanlarında idi. Müsabiqədə iştirak huququ qazanmış şagirdlərimiz  Əliyeva Aytən və Babayev Şahverən səsləri  ilə izləyiciləri heyrətə saldı. Hərkəsin diqqətini cəlb edən

Əliyeva Aytən 5 ulduz alaraq növbəti mərhələyə vəsiqə qazandı.

"Uğur sorağında" İntellektual Klubu - VII siniflər II mərhələ

"Uğur sorağında" İntellektual Klubunun VII siniflər üçün yarışmasının II mərhələsində 7a, 7b, 7c və 7ç sinifləri iştirak etmişdir. Yarışmada 7ç sinfi qalib olmuşdur. 16 mart tarixində keçiriləcək final oyununda 7ç sinfi 7e sinfi ilə yarışacaq. Hər iki sinfə uğurlar!

Sədr:         Ləman Hacıyeva, 

Müavin :   Nəriman Məmmədzadə, 

Katib:        Ayişəgül Ələkbərova

Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

I siniflərə şagird qəbulunun ELEKTRON QEYDIYYATI

Müəllimlər arasında şahmat yarışı

Ümumi təhsil müəssisələrinin müəllimləri arasında Azərbaycan xalqının ümummilli lideri Heydər Əliyevin anadan olmasının 92-ci ildönümünə həsr olunmuş şahmat yarışının keçirilməsi haqqında Azərbaycan Respublikası Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsi qərar verdi.

http://edu.gov.az/upload/file/emr/2015/shaxmat-yarishi-emr.pdf 

"Uğur sorağında" 7-ci siniflər

Bu gün "Uğur sorağında" İntellektual Klubunun növbəti yarışması 7-ci siniflər arasında keçirilib. 7d, 7e, 7ə və 7i sinifləri arasında olan yarışmada 7e sinfi qalib gələrək, final yarışmasında iştirak hüququ qazanıb. 

Final oyununda 7e sinfinə uğurlar diləyirik!

Sədr:         Ləman Hacıyeva, 

Müavin :   Nəriman Məmmədzadə, 

Katib:        Ayişəgül Ələkbərova

Üzvlər:      Pərvin Pirmuradova, Cəmilə Məmmədova, Firuzə Süleymanova, Cavid Muradov.

149 - BİZİM MƏKTƏB daim öz uğurları ilə seçilib. "Elm dünyam" bilik yarışı. 3-cü siniflər arası l və ll mərhələ.

 149 - BİZİM MƏKTƏB daim öz uğurları ilə seçilib. İbtidai sinifləri əhatə edən "Elm dünyam" bilik yarışması artıq başlamışdır. İlk yarışmalar 3-cü siniflər arasında keçirilmişdir. Bütün 3-cü siniflərin iştirakı ilə keçirilən yarışda 1-ci mərhələdən 3a, 3b, 3c, 3ç; 2-ci mərhələdən 3l, 3p, 3n, 3j sinifləri finala vəsiqə qazandilar. 15 mart tarixində keçiriləçək final mərhələsində şagirdlərimizə uğurlar diləyirik!

Elan

Məktəbin VII-X sinif şagirdlərinin nəzərinə!

Məktəbimizdə müasir rəqs üzrə komanda yığılır. Komandaya məktəbimizin VII-X sinif şagirdləri daxil ola bilər. Rəqs etməyi öyrənmək və məktəbin komandasına daxil olmaq istəyənlər 7-ci otağa, Axundov Adilə muraciət etsinlər. Məşq şənbə günləri saat 13:00-da  34-cü otaqda keçiriləcək.

Məşqlər ödənişsizdir.

Kiçikyaşlı məktəblilərin nəzərinə!

Təhsil Nazirliyinin “Kiçikyaşlı məktəblilər üçün ən yaxşı nəsr, nəzm və dram əsərləri” mövzusunda keçirdiyi müsabiqə davam edir.

Müsabiqənin keçirilməsində əsas məqsəd yaş psixologiyası nəzərə alınmaqla kiçikyaşlı məktəblilərə mənəvi zənginlik, vətənpərvərlik, milli və ümumbəşəri dəyərlər, emosional və idraki keyfiyyətlər aşılayan, onların bədii zövqünün inkişafını şərtləndirən ədəbi əsərlərin yazılmasını stimullaşdırmaqdan ibarətdir.

Müsabiqəyə təqdim ediləcək əsərlər toplu şəklində hazırlanmalıdır. Topluya 1-2 çap vərəqi həcmində 15 nəsr, 20 nəzm və 5 dram əsəri daxil olmalıdır.