5 mart ölkəmizdə Bədən tərbiyəsi və İdman günüdür

5 mart ölkəmizdə Bədən tərbiyəsi və İdman günüdür. Bu tarix Prezident İlham Əliyevin “Bədən tərbiyəsi və idman günü”nün təsis edilməsi haqqında 4 mart 2005-ci il tarixli Sərəncamına əsasən qeyd edilir. Ölkəmizdə idmanın inkişafı isə ildən-ilə geniş vüsət alır. 2012-ci il həm də Dövlət başçımız tərəfindən “İdman ili” elan edilib. Azərbaycanda Bədən tərbiyəsi və İdman gününün martın 5-də qeyd olunması təsadüfi deyil. Məhz 1995-ci il martın 5-də Ulu Öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib, bədən tərbiyəsi və idmanın inkişafında yeni strategiyanın təməlini qoyub......Prezidenti İlham Əliyevin hələ 1997-ci ildə Milli Olimpiya Komitəsinin rəhbər seçilməsindən sonra ölkəmizdə idmana, bədən tərbiyəsinə diqqət daha da artdı. Və idmanın maddi-texniki bazasının möhkəmləndirilməsi, idmançıların peşəkar səviyyədə hazırlanmasına göstərilən qayğı isə tezliklə öz müsbət nəticəsini göstərdi...
...2008-ci ilin avqustunda Pekində keçirilən Olimpiya oyunlarında Azərbaycan idmançılarının qazandığı qələbəni xüsusilə qeyd etmək lazımdır. Pekin Oimpiya oyunlarında Azərbaycan 7 medal qazandı və dünyanın iki yüzdən çox ölkəsi arasında 38-ci yeri tutdu. Olimpiya oyunlarında qazanılan bu qələbə də, heç şübhəsiz, dövlətin idmana münasibətinin nəticəsi idi...
Azərbaycan idmançılarının müxtəlif səviyyəli beynəlxalq yarışlarda beş mindən artıq medala layiq görülməsi, Olimpiya oyunlarında qazanılan 4 qızıl, 3 gümüş və 9 bürünc medal böyük tarixi nailiyyətdir...
Azərbaycan artıq dünyanın idman mərkəzlərindən birinə çevrilib” - bu fikri indi böyük fəxrlə söyləmək olar. Ölkə rəhbərinin idmanı sevməsi, idmançılara xüsusi həssaslıqla yanaşması, yeni olimpiya idman komplekslərinin və idman bazalarının yaradılması haqqında qərarları bu sahədə hər kəsi səfərbər edir. İndi nəinki paytaxt Bakıda, demək olar ki, ölkəmizin bütün bölgələrində müasir olimpiya idman kompleksləri fəaliyyət göstərir. Bir-birinin ardınca istifadəyə verilən Olimpiya İdman Komleksləri indi bölgə idmanının inkişafında da mühüm rol oynayır. Hazırda bir çox rayonda belə gözəl idman kompleksləri inşa olunmaqdadır. Bu proqram davamlı şəkildə icra olunur. ...Mingəçevirdəki beynəlxalq avarçəkmə mərkəzi öz fəaliyyətini müasir səviyyədə bərpa edib. Burada mehmanxana, idman qurğuları, üzgüçülük hovuzu yaradılıb. Mərkəz avarçəkmə idman növünün, turizmin inkişafına böyük töhfə verir. İndi bura öz gözəlliyi ilə fərqlənən bir beynəlxalq avarçəkmə bazasıdır.....Azərbaycan çox mötəbər beynəlxalq idman yarışlarına çox müvəffəqiyyətlə ev sahibliyi edir. İdman sahəsində gerçəkləşdirilən dövlət siyasəti, Olimpiya ideallarının təbliği, müasir Olimpiya kompleksləri və digər tədbirlər nəticəsində ölkəmiz mötəbər beynəlxalq idman yarışlarının keçirildiyi məkana çevrilib. Bakı şəhərində bədii gimnastika, güləş və boks üzrə dünya çempionatları uğurla keçirilir......Heydər Əliyev Fondunun Prezidenti, Azərbaycanın Birinci xanımı, Azərbaycan Gimnastika Federasiyasının Prezidenti Mehriban xanım Əliyevanın ölkəmizdə idmana qayğısı da bu sahənin inkişafına böyük töhfələr verir...
Azərbaycan idmanı əsl yüksəliş dövrünü yaşayır. Yaddaqalan hadisələrdən biri də Bakıda Tennis Federasiyasının açılışı oldu...
Qusarda yaradılan qış-yay dağ-idman turist kompleksi isə idmanın bu sahəsinin inkişafına əhəmiyyətli töhfədir. Bütün bunlar isə bir daha göstərir ki, ölkəmizdə idmanın inkişafı sistemli xarakter daşıyır...
...İdmançılara maddi rifah halının, sosial təminatının gücləndirilməsi, onların fəxri adlarla təltif olunması da dövlətin diqqətindədir... 2009-cu il fevral ayının 1-dən efirə çıxan “İdman Azərbaycan” kanalı da dövlətimizin idman ictimaiyyəti və idmansevərlərə gözəl hədiyyəsi oldu. Bu 3 ildə elə bir idman növü yoxdur ki, kanal onunla bağlı istər beynəlxalq, istərsə də ölkədaxili yarışlardan canlı yayımlar verməsin. Hər gün 14 saat yayımlanan bu kanalda tamaşaçılara ən son idman xəbərləri, orijinal idman verilişləri təqdim edilir. 2012-ci il Azərbaycan idmançıları üçün çox məsuliyyətli bir ildir. Prezident İlham Əliyevin 16 yanvar 2012-ci il tarixli Sərəncamı ilə bu il Azərbaycanda “İdman ili” elan edilib. Məqsəd ölkəmizdə idmanın inkişaf etdirilməsi, Olimpiya hərəkatının genişləndirilməsi, gənclərin müntəzəm şəkildə idmana cəlb olunması, əhalinin bütün təbəqələri arasında sağlam həyat tərzinin formalaşdırılması, yeni idman və Olimpiya komplekslərinin tikilməsi zərurəti, eləcə də idmançılarımızın London olimpiadasında, dünya və Avropa çempionatlarında, rəsmi beynəlxalq yarışlarda yüksək göstəricilərinin təmin edilməsidir...2012-ci il London Olimpiadasında uğurla çıxış etmək, çox sayda medal qazanmaq Azərbaycan idmançılarının öhdəsinə düşən əsas məsələdir...Bu il ölkəmizdə futbol üzrə 17 yaşlı qızlar arasında dünya çempionatı keçiriləcək...Azərbaycan paytaxtı Bakı daha bir mötəbər idman yarışına – 2020-ci ilin Yay Olimpiya oyunlarına ev sahibliyi etmək üçün namizədliyini irəli sürüb. İddiaçılar arasında reytinq cədvəlində birinci yerdədir... Prezidenti İlham Əliyevin rəhbərliyi ilə ölkədə idmanın və bədən tərbiyəsinin inkişafı sahəsində ardıcıl olaraq görülən tədbirlər Azərbaycan həm də idman dövləti kimi tanıdır. Sağlam bədəndə sağlam ruh olar pirinsipinə söykənərək demək olar ki, Azərbaycan həm də sağlam gəncliyi və sağlam gələcəyi olan bir dövlətdir.